ಮುಂಬೈ: ಟಿವಿ ಶೋ ನುಕ್ಕಡ್‌ನಲ್ಲಿ ಖೋಪ್ರಿ ಪಾತ್ರದಲ್ಲಿ ಹೆಚ್ಚು ಹೆಸರುವಾಸಿಯಾಗಿದ್ದ ಹಿರಿಯ ನಟ ಸಮೀರ್ ಕಾಕ್ಕರ್(71ವ) ಮಾರ್ಚ್ 15ರಂದು ನಿಧನರಾಗಿದ್ದಾರೆ.
ತಮ್ಮ 38 ವರ್ಷಗಳ ನಟನಾ ವೃತ್ತಿ ಜೀವನದಲ್ಲಿ ವಿವಿಧ ಟಿವಿ ಕಾರ್ಯಕ್ರಮಗಳು ಮತ್ತು ಚಲನಚಿತ್ರಗಳಲ್ಲಿ ನಟಿಸಿದ್ದರು. ಸಮೀರ್ ನಟನೆಯಿಂದ ಸ್ವಲ್ಪ ವಿರಾಮ ತೆಗೆದುಕೊಂಡು ಯುಎಸ್‌ಎಯಲ್ಲಿ ನೆಲೆಸಿ ಮತ್ತೆ ಭಾರತಕ್ಕೆ ಹಿಂತಿರುಗಿದ್ದರು. ಸಲ್ಮಾನ್ ಖಾನ್ ಅವರ ‘ಜೈ ಹೋ’ ಚಿತ್ರದಲ್ಲಿನ ಅವರ ಪಾತ್ರಕ್ಕಾಗಿ ಜನಪ್ರಿಯರಾಗಿದ್ದ ಸಮೀರ್ ಕಮಲ್‌ ಹಾಸನ್‌ ನಿರ್ಮಾಣದ ಪುಷ್ಪಕ ವಿಮಾನದಲ್ಲಿ ಮನೋಜ್ಙ ಪಾತ್ರ ನಿರ್ವಹಿಸಿದ್ದರು.
ಬಹು ಅಂಗಾಂಗ ವೈಫಲ್ಯಕ್ಕೆ ಒಳಗಾಗಿದ್ದ ಸಮೀರ್ ಅವರನ್ನು ಬೊರಿವಲಿಯ ಎಂಎಂ ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಬೆಳಗ್ಗಿನ ಜಾವ 4:30ಕ್ಕೆ ಕೊನೆಯುಸಿರೆಳೆದಿದ್ದಾರೆ ಎಂದು ಸೋದರ ಸಂಬಂಧಿ ಗಣೇಶ್ ಕಾಕ್ಕರ್ ತಿಳಿಸಿದ್ದಾರೆ.
