ಅಹ್ಮದಾಬಾದ್: ಭಾರತೀಯ ಕರಾವಳಿ ಕಾವಲು ಪಡೆಯು ಮಾ.6ರಂದು ಗುಜರಾತ್ ಕರಾವಳಿಯಲ್ಲಿ 425 ಕೋ.ರೂ. ಮೌಲ್ಯದ 61 ಕೆ.ಜಿ.ಮಾದಕ ದ್ರವ್ಯಗಳನ್ನು ಸಾಗಿಸುತ್ತಿದ್ದ ಇರಾನ್ ಬೋಟ್ ವೊಂದನ್ನು ವಶಪಡಿಸಿಕೊಂಡಿದ್ದು, ಐವರು ಸಿಬ್ಬಂದಿಗಳನ್ನು ಬಂಧಿಸಿದೆ.
ಗುಜರಾತ್ ಭಯೋತ್ಪಾದನೆ ನಿಗ್ರಹ ದಳ ನೀಡಿದ್ದ ಖಚಿತ ಮಾಹಿತಿ ಮೇರೆಗೆ ಐಸಿಜಿ ತನ್ನೆರಡು ಮೀರಾ ಬೆಹ್ನ್ ಮತ್ತು ಅಭೀಕ್ ಗಸ್ತು ಹಡಗುಗಳ ಮೂಲಕ ಕಾರ್ಯಾಚರಣೆ ನಡೆಸಿದೆ. ಬಂಧಿತರನ್ನು ಓಖಾಗೆ ಕರೆತರಲಾಗಿದ್ದು ವಿಚಾರಣೆ ನಡೆಸಲಾಗುತ್ತಿದೆ.
