ಮಂಗಳೂರು: ಮಾ.20ರಂದು ಕೋಲಾರ ಮುಳಬಾಗಿಲು ಪಟ್ಟಣದ ನೂಗಲಬಂಡೆ ಎಂಬಲ್ಲಿ ನಡೆದ ಜೆಡಿಎಸ್ ರೋಡ್‌ ಶೋ ಕಾರ್ಯಕ್ರಮದಲ್ಲಿ ಪಕ್ಷದ ಕಾರ್ಯಕರ್ತನೊಬ್ಬ 10,20, ಮತ್ತು 50 ರೂ. ಮುಖಬೆಲೆಯ ನೋಟ್‌ ಗಳನ್ನು ಗಾಳಿಯಲ್ಲಿ ಎಸೆದಿರುವ ಘಟನೆ ನಡೆದಿದೆ.
ಮಾ. 20ರಂದು ಜೆಡಿಎಸ್ ಆಯೋಜಿಸಿದ್ದ ಅಲ್ಪಸಂಖ್ಯಾತರ ಸಮಾವೇಶಕ್ಕೂ ಮುನ್ನ ನಡೆದ ರೋಡ್‌ ಶೋನಲ್ಲಿ ಜೆಡಿಎಸ್ ರಾಜ್ಯಾಧ್ಯಕ್ಷ ಸಿ ಎಂ ಇಬ್ರಾಹಿಂ ಹಾಗೂ ಸ್ಥಳೀಯ ಅಭ್ಯರ್ಥಿ ಸಮೃದ್ದಿ ಮಂಜುನಾಥ್‌ ಭಾಗವಹಿಸಿದ್ದರು. ಈ ವೇಳೆ ಕಾರ್ಯಕರ್ತನೋರ್ವ 10,20,50 ರೂ. ನೋಟುಗಳ ಕಂತೆಯಲ್ಲಿ ಇವರಿಬ್ಬರ ದೃಷ್ಟಿ ತೆಗೆದು ಕಾರ್ಯಕರ್ತರತ್ತ ಎಸೆದಿದ್ದಾನೆ.
