ಹೊಸ ದಿಲ್ಲಿ: ಬಾಲಿವುಡ್ ನಟ ನವಾಝುದ್ದೀನ್ ಸಿದ್ದಿಕಿ ತಮ್ಮ ಅಪ್ರಾಪ್ತ ವಯಸ್ಸಿನ ಮಕ್ಕಳ ಆರೈಕೆಗಾಗಿ ಸೆಪ್ಟೆಂಬರ್ ತಿಂಗಳಲ್ಲಿ ನೇಮಿಸಿಕೊಂಡಿದ್ದ ಸಪ್ನ ರಾಬಿನ್ ಮಸೀಹ್ ಎಂಬ ಮನೆ ಸೇವಕಿಯನ್ನು ಅನ್ನಾಹಾರವಿಲ್ಲದೆ ದುಬೈನಲ್ಲಿ ಅನಾಥವಾಗಿರಿಸಿದ್ದಾರೆ ಎಂದು ಮಿಡ್‌ ಡೇ ಡಾಟ್‌ ಕಾಮ್ ವರದಿ ಮಾಡಿದೆ. ಒಂದು ತಿಂಗಳಿನಿಂದ ಏಕಾಂಗಿಯಾಗಿ ವಾಸಿಸುತ್ತಿದ್ದು, ಆಕೆಯನ್ನು ಮರಳಿ ಕರೆ ತರಲು ಪ್ರಯತ್ನಿಸಲಾಗುತ್ತಿದೆ ಎಂದು ಆಕೆಗೆ ನೆರವು ಒದಗಿಸುತ್ತಿರುವ ವಕೀಲರೊಬ್ಬರು ತಿಳಿಸಿದ್ದಾರೆ ಎಂದು ವರದಿ ಹೇಳಿದೆ.
ನವಾಝುದ್ದೀನ್ ಸಿದ್ದಿಕಿ ಪತ್ನಿ ಆಲಿಯಾ ಸಿದ್ದಿಕಿ ಅವರ ವಕೀಲ ರಿಝ್ವಾನ್ ಸಿದ್ದಿಕೀ ಪ್ರಕಾರ, ಮಸೀಹ್‌ಳನ್ನು ಪ್ರವಾಸಿ ವೀಸಾದೊಂದಿಗೆ ನವೆಂಬರ್ ತಿಂಗಳಲ್ಲಿ ದುಬೈಗೆ ಕರೆದುಕೊಂಡು ಹೋಗಲಾಗಿತ್ತು. ಫೆಬ್ರವರಿ ತಿಂಗಳಲ್ಲಿ ಆಕೆಗೆ ಉದ್ಯೋಗ ವೀಸಾ ದೊರಕಿಸಿಕೊಡಲಾಗಿದ್ದು, ಅದರಲ್ಲಿ ಆಕೆಯ ಹುದ್ದೆಯನ್ನು ಅನಾಮಿಕ ಕಂಪನಿಯೊಂದರ ಮಾರಾಟ ವ್ಯವಸ್ಥಾಪಕಿ ಎಂದು ಉಲ್ಲೇಖಿಸಲಾಗಿದೆ. ಆಲಿಯಾ ನವೆಂಬರ್ ಕೊನೆ ಅಥವಾ ಡಿಸೆಂಬರ್ ಮೊದಲ ವಾರ ಭಾರತಕ್ಕೆ ಮರಳಿದ್ದರೆ, ಆಕೆಯ ಮಕ್ಕಳು ಜನವರಿ ತಿಂಗಳ ಕೊನೆಯ ವಾರ ಭಾರತಕ್ಕೆ ಹಿಂದಿರುಗಿದ್ದರು ಎಂದು ಹೇಳಿದ್ದಾರೆ. ಸದ್ಯ ಮಸೀಹ್ ದುಬೈ ಮನೆಯಲ್ಲಿ ಒಂದು ತಿಂಗಳಿನಿಂದ ಏಕಾಂಗಿಯಾಗಿದ್ದು, ಮನೆ ಬಾಡಿಗೆಯನ್ನು ಇನ್ನೂ ಪಾವತಿಸಿಲ್ಲ. ವ್ಯಂಗ್ಯವೆಂದರೆ, ಆಕೆಗೆ ನಿವಾಸಿ ವೀಸಾ ನೀಡಲಾಗಿದ್ದರೂ, ಮನೆಯಲ್ಲಿ ತಿನ್ನಲು ಏನೂ ಇಲ್ಲ ಎಂದು ಅವರು ಬೇಸರ ವ್ಯಕ್ತಪಡಿಸಿದ್ದಾರೆ.
ಅಮೃತಸರದವಳಾದ ಮಸೀಹ್, ತನ್ನ ವ್ಯಥೆಯನ್ನು ವಿಡಿಯೊ ಮೂಲಕ ಹೇಳಿಕೊಂಡಿದ್ದು, ನೆರವಿಗಾಗಿ ಅದನ್ನು ರಿಝ್ವಾನ್ ಸಿದ್ದಿಕಿಗೆ ರವಾನಿಸಿದ್ದು, ವಿಡಿಯೋ ವೈರಲ್ ಆಗಿದೆ. ಈ ಕುರಿತು ಪ್ರತಿಕ್ರಿಯಿಸಲು ನವಾಝುದ್ದೀನ್ ಸಿದ್ದಿಕಿಯ ವ್ಯವಸ್ಥಾಪಕ ನಿರಾಕರಿಸಿದ್ದಾರೆ ಎಂದು ವರದಿಯಾಗಿದೆ.
upadate: ನನಗೆ ಒಂದು ತಿಂಗಳ ಸಂಬಳ ನೀಡಿರುವುದಾಗಿ ಸ್ವಪ್ನ ಹೇಳಿದ್ದಾಳೆ ಅವಳನ್ನು ಆದಷ್ಟು ಬೇಗ ವಾಪಾಸು ಭಾರತಕ್ಕೆ ಕರೆಸಿಕೊಳ್ಳಲಾಗುವುದು ಎಂದು ಲಾಯರ್ ರಿಝ್ವಾನ್ ಸಿದ್ದಿಕೀ ಹೇಳಿದ್ದಾರೆ.
The video & my statement speaks for itself. Govt authorities are requested to urgently rescue the house help of @Nawazuddin_S from Dubai where the girl is in a state of Solitary Confinement@cgidubai @UAEembassyIndia @LabourMinistry @HRDMinistry@MEAIndia @CPVIndia @OIA_MEA pic.twitter.com/EyQ8DiHPG2
— Advocate Rizwan Siddiquee (@RizwanSiddiquee) February 19, 2023
