ಮುಂಬೈ: ನಿರ್ಮಾಣ ಹಂತದಲ್ಲಿದ್ದ ಕಟ್ಟಡವೊಂದರ ಸೀಲಿಂಗ್ ಸ್ಲಾಬ್ ಗೆ ಆಧಾರವಾಗಿ ನಿಲ್ಲಿಸಲಾಗಿದ್ದ ದೊಡ್ಡ ಕಬ್ಬಿಣದ ಪೈಪೊಂದು 5ನೇ ಮಹದಿಯಿಂದ ಆಟೋ ರಿಕ್ಷಾದ ಮೇಲೆ ಬಿದ್ದು ಓರ್ವ ಮಹಿಳೆ ಮತ್ತು ಬಾಲಕಿ ಮೃತ ಪಟ್ಟ ಘಟನೆ ಪೂರ್ವ ಜೋಗೇಶ್ವರಿಯಲ್ಲಿ ನಡೆದಿದೆ.
ಮೃತ ತಾಯಿ ಮತ್ತು ಮಗಳನ್ನು ಶಮಾ ಆಸೀಫ್ ಶೇಕ್ (28) ಮತ್ತು ಆಯತ್ (9) ಎಂದು ಗುರುತಿಸಲಾಗಿದೆ. ಶಮಾ ಮಗಳನ್ನು ಶಾಲೆಯಿಂದ ಕರೆದುಕೊಂಡು ಬರುತ್ತಿದ್ದ ವೇಳೆ ಈ ದುರಂತ ಸಂಭವಿಸಿದೆ. ಆಸ್ಪತ್ರೆಗೆ ಸೇರಿಸುವ ದಾರಿಯಲ್ಲಿ ಶಮಾ ಮೃತ ಪಟ್ಟಿದ್ದು, ಬಾಲಕಿ ಆಯತ್ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾಳೆ. ಸಂಬಂಧ ಪಟ್ಟವರ ವಿರುದ್ಧ ನಿರ್ಲಕ್ಷ್ಯ ಪ್ರಕರಣ ದಾಖಲಿಸಿ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
