ಮುಂಬೈ: ಇಲ್ಲಿನ ಫಿಲ್ಮ್‌ ಸಿಟಿಯಲ್ಲಿ ಕಂ ಹೆ ಕಿಸಿ ಪ್ಯಾರ್‌ ಮೇ ಹಿಂದಿ ಧಾರವಾಹಿಗೆ ಹಾಕಿದ್ದ ಸೆಟ್‌ ನಲ್ಲಿ ಅಗ್ನಿ ದುರಂತ ಸಂಭವಿಸಿದ್ದು ಶೂಟಿಂಗ್‌ ಶೆಟ್‌ ಸುಟ್ಟು ಭಸ್ಮವಾಗಿದೆ. ಧಾರವಾಹಿಗಾಗಿ ದೊಡ್ಡ ಮಟ್ಟದ ಸೆಟ್‌ ಹಾಕಿದ್ದು ಸಿಲಿಂಡರ್‌ ಸ್ಪೋಟಗೊಂಡು ಈ ದುರಂತ ಸಂಭವಿಸಿದೆ ಎನ್ನಲಾಗಿದೆ. ಘಟನೆಯಲ್ಲಿ ಕೆಲವರಿಗೆ ಸಣ್ಣಪುಟ್ಟ ಗಾಯವಾಗಿದ್ದು ಬಿಟ್ಟರೆ ಯಾವುದೇ ಪ್ರಾಣಪಾಯ ಸಂಭವಿಸಿಲ್ಲ, ಬೆಂಕಿ ನಂದಿಸುವ ಯಾವುದೇ ತುರ್ತು ಉಪಕರಣಗಳು ಸೆಟ್‌ ನಲ್ಲಿ ಇಲ್ಲದ ಕಾರಣ ಬೆಂಕಿ ವೇಗವಾಗಿ ಆವರಿಸಿಕೊಂಡಿದೆ. ಸ್ಥಳೀಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ಅಗ್ನಿಶಾಮಕ ದಳದವರು ಬೆಂಕಿ ನಂದಿಸುವ ಕಾರ್ಯದಲ್ಲಿ ನಿರತರಾಗಿದ್ದಾರೆ.
