ಮಂಗಳೂರು: ವಿಶಾಖಪಟ್ಟಣದಲ್ಲಿ ಮಾ.19ರಂದು ನಡೆದ ಆಸ್ಟ್ರೇಲಿಯ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಭಾಗವಹಿಸಲು ಬಂದಿದ್ದ ಕ್ರಿಕೆಟಿಗ ರೋಹಿತ್ ಶರ್ಮಾ ವಿಮಾನ ನಿಲ್ದಾಣದಿಂದ ಹೊರ ಬರುವ ವೇಳೆ ಅಭಿಮಾನಿ ಯುವಕನೊಬ್ಬನಿಗೆ ಕೆಂಪು ಗುಲಾಬಿ ಹೂವು ನೀಡಿ ಮದುವೆ ಪ್ರಸ್ತಾವ ಮುಂದಿಟ್ಟು ಯುವಕನಿಗೆ ಪ್ರಜ್ಞೆ ತಪ್ಪುವಂತಹ ಶಾಕ್ ನೀಡಿದ್ದಾರೆ.ರೋಹಿತ್ ಶರ್ಮಾ ಮತ್ತು ಸಹ ಆಟಗಾರರು ವಿಮಾನ ನಿಲ್ದಾಣದಿಂದ ಹೊರ ಬರುವ ವೇಳೆ ಅಭಿಮಾನಿಯೊಬ್ಬ ಸೆಲ್ಫಿ ರೆಕಾರ್ಡ್ ಮಾಡುತ್ತಿದ್ದ. ಇದನ್ನು ಕಂಡ ರೋಹಿತ್ ತನ್ನ ಕೈಯ್ಯಲ್ಲಿದ್ದ ಕೆಂಪು ಗುಲಾಬಿ ಹೂವನ್ನು “ಯೇ ಲೋ, ಆಪ್ಕೆ ಲಿಯೇ” ಎಂದು ಹೇಳಿ ಅಭಿಮಾನಿಗೆ ನೀಡಿದ್ದಾರೆ. ಧನ್ಯವಾದ ಹೇಳಲು ಮುಂದಾದ ಅಭಿಮಾನಿಗೆ ರೋಹಿತ್ ಶರ್ಮಾ ಕೆಂಪು ಗುಲಾಬಿ ನೀಡಿದ್ದಕ್ಕಾಗಿಯೋ ಎನ್ನುವಂತೆ ತಮಾಷೆಗಾಗಿ “ವಿಲ್‌ ಯೂ ಮ್ಯಾರಿ ಮೀ?” ಎಂದು ಕೇಳಿ ಶಾಕ್ ನೀಡಿದ್ದಾರೆ. ನಡೆದಿದ್ದಿಷ್ಟೇ……. ಆದರೆ ಇದರ ವಿಡಿಯೋ ಮಾತ್ರ ಸಿಕ್ಕಾಪಟ್ಟೆ ವೈರಲ್‌ ಆಗಿದೆ.
ವಿಡಿಯೋಗಾಗಿ ಇಲ್ಲಿ ಕ್ಲಿಕ್‌ ಮಾಡಿ
