ಮಂಗಳೂರು: ಕುನೋ ಪಾರ್ಕ್‌ ನಲ್ಲಿ ಮೇ 25 ರಂದು ಮತ್ತೆರಡು ಚೀತಾ ಮರಿಗಳು ಸಾವನ್ನಪ್ಪಿದ್ದು ಇನ್ನೊಂದು ಮರಿ ಚೀತಾ ಸ್ಥಿತಿ ಗಂಬೀರವಾಗಿದೆ.
ಚೀತಾಗಳನ್ನು ಭಾರತದಲ್ಲಿ ಮರುಸ್ಥಾಪಿಸುವ ನಿಟ್ಟಿನಲ್ಲಿ ಕೇಂದ್ರ ಸರಕಾರ ನಮೀಬಿಯಾದಿಂದ 8 ಹಾಗೂ ದಕ್ಷಿಣ ಆಫ್ರಿಕಾದಿಂದ 12 ಚೀತಾಗಳನ್ನು ಭಾರತಕ್ಕೆ ಕರೆತರಲಾಗಿತ್ತು. ಈ ಪೈಕಿ ಜ್ವಾಲಾ ಹೆಸರಿನ ಚೀತಾ ಭಾರತದಲ್ಲಿ 4 ಮರಿಗಳಿಗೆ ಜನ್ಮ ನೀಡಿತ್ತು. ಇದರಿಂದ 24 ಕ್ಕೇರಿದ್ದ ಚೀತಾಗಳ ಸಂಖ್ಯೆ 6 ಚೀತಾಗಳ ಸಾವಿನ ಬಳಿಕ 18ಕ್ಕೆ ಇಳಿದಿದೆ.
ಹವಾಮಾನ ವೈಪರೀತ್ಯ ಮತ್ತು ನಿರ್ಜಲೀಕರಣ ಕಾರಣದಿಂದಾಗಿ ಇವುಗಳು ಸಾವನ್ನಪ್ಪಿದೆ ಎಂದು ಅರಣ್ಯಧಿಕಾರಿಗಳು ತಿಳಿಸಿದ್ದಾರೆ.
