ಮಂಗಳೂರು(ಹಾಸನ) :ರಿಲ್ಸ್ ವಿಡಿಯೋ ಮಾಡಲು ನಕಲಿ ಗನ್ ಹಿಡಿದು ಬುಲೆಟ್ ಬೈಕ್ ನಲ್ಲಿ ನಗರದ ತುಂಬ ಸಂಚರಿಸಿದ್ದ ಯುವಕರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.
ಯುವಕರು ಗನ್ ಹಿಡಿದು ಮನಬಂದಂತೆ ಹಾಡುವಾಗಲೇ ನಗರದ ಆರ್‌ ಸಿ ರೋಡ್, 80 ಅಡಿ ರಸ್ತೆ, ರಿಂಗ್ ರಸ್ತೆಯಲ್ಲಿ ಬುಲೆಟ್ ಬೈಕ್ ನಲ್ಲಿ ಸಂಚರಿಸುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿತ್ತು. ಇಬ್ಬರು ಯುವಕರು ಬೈಕಿನಲ್ಲಿ ಸಂಚರಿಸುತ್ತಿದ್ದು, ಹಿಂಬದಿ ಕುಳಿತಿದ್ದ ವ್ಯಕ್ತಿ ಕೈಯಲ್ಲಿ ನಕಲಿ ಗನ್ ಹಿಡಿದಿದ್ದ.
ರಿಲ್ಸ್ ಗಾಗಿ ವಿಡಿಯೋ ಮಾಡಿಕೊಂಡು ಸಾಮಾಜಿಕ ಜಾಲತಾಣದಲ್ಲಿ ಅಪ್ಲೋಡ್ ಮಾಡಿಕೊಂಡಿದ್ದರು. ಯುವಕರ ವರ್ತನೆಗೆ ಸಾರ್ವಜನಿಕ ವಲಯದಲ್ಲಿ ತೀವ್ರ ಟೀಕೆ ಮತ್ತು ಆಕ್ರೋಶ ವ್ಯಕ್ತವಾಗಿತ್ತು. ಮಾಹಿತಿ ಪಡೆದ ಹಾಸನ ನಗರ ಠಾಣೆ ಪೊಲೀಸರು ನಕಲಿ ಗನ್ ಹಿಡಿದು ಸಂಚರಿಸಿದ್ದ ಇಬ್ಬರು ಬೈಕ್ ಸವಾರರನ್ನು ಬುಲೆಟ್ ಬೈಕ್ ಮತ್ತು ನಕಲಿ ಗನ್ ಸಮೇತ ವಶಕ್ಕೆ ಪಡೆದಿದ್ದಾರೆ.
