ಮಂಗಳೂರು(ಹೊಸದಿಲ್ಲಿ): ಅತಿವೇಗವಾಗಿ ಮೂಗಿನಿಂದ ಇಂಗ್ಲಿಷ್ ಅಕ್ಷರಗಳನ್ನು ಟೈಪ್ ಮಾಡುವ ವಿಶಿಷ್ಟ ದಾಖಲೆಯನ್ನು 44 ವರ್ಷ ವಯಸ್ಸಿನ ವಿನೋದ್ ಕುಮಾರ್ ಚೌಧರಿ ನಿರ್ಮಿಸಿದ್ದಾರೆ.
ಗಿನ್ನಿಸ್ ವರ್ಲ್ಡ್ ರೆಕಾರ್ಡ್ ಪ್ರಕಾರ, ಈ ಹಿಂದೆ ಮೂರು ಬಾರಿ ದಾಖಲೆ ಮಾಡಿದ್ದ ಚೌಧರಿ ತಮ್ಮದೇ ದಾಖಲೆಯನ್ನು ಮುರಿದಿದ್ದಾರೆ. 2023ರಲ್ಲಿ ಮೊದಲ ಬಾರಿ 27.80 ಸೆಕೆಂಡ್, ಅದೇ ವರ್ಷ ಎರಡನೇ ಪ್ರಯತ್ನದಲ್ಲಿ 26.73 ಸೆಕೆಂಡ್ ನಲ್ಲಿ ಪೂರ್ಣಗೊಳಿಸಿ ದಾಖಲೆ ನಿರ್ಮಿಸಿದ್ದ ಚೌಧರಿ ಈ ಬಾರಿ ಕೇವಲ 25.66 ಸೆಕೆಂಡ್ ಗಳಲ್ಲಿ ಈ ಸಾಧನೆ ಮಾಡಿದ್ದಾರೆ.
ಟೈಪಿಂಗ್ ಮ್ಯಾನ್ ಆಫ್ ಇಂಡಿಯಾ ಖ್ಯಾತಿಯ ಚೌಧರಿ, ಒಂದೇ ಕೈಯಲ್ಲಿ ಕೇವಲ 5.36 ಸೆಕೆಂಡ್ ಗಳಲ್ಲಿ ಇಂಗ್ಲಿಷ್ ಅಕ್ಷರಗಳನ್ನು ಹಿಮ್ಮುಖವಾಗಿ ಟೈಪ್ ಮಾಡಿದ ದಾಖಲೆ ಸೇರಿದಂತೆ ಬೆನ್ನ ಹಿಂದೆ ಕೈ ತಂದು ಕೇವಲ 6.78 ಸೆಕೆಂಡ್ ಗಳಲ್ಲಿ ಇಂಗ್ಲಿಷ್ ಅಕ್ಷರಮಾಲೆ ಟೈಪ್ ಮಾಡಿ ದಾಖಲೆ ಮಾಡಿದ್ದಾರೆ.
