ಮಂಗಳೂರು: ಹುಬ್ಬಳ್ಳಿ – ಮಂಗಳೂರು ನಡುವಿನ ಇಂಡಿಗೋ ವಿಮಾನಯಾನ ಮಾರ್ಚ್ 10 ರಿಂದ ಸ್ಥಗಿತಗೊಳ್ಳಲಿದೆ. ಕಳೆದ ವರ್ಷ ಮೇ ತಿಂಗಳಲ್ಲಿ ಇಂಡಿಗೋ ವಿಮಾನ ಯಾನ ಸಂಸ್ಥೆ ಹುಬ್ಬಳ್ಳಿ – ಮಂಗಳೂರು ನಡುವೆ ವಿಮಾನ ಯಾನ ಸೇವೆ ಆರಂಭಿಸಿತ್ತು.
ಸಂಜೆ 6.30 ಕ್ಕೆ ಹುಬ್ಬಳ್ಳಿಯಿಂದ ಹೊರಟು 7.35 ಕ್ಕೆ ಮಂಗಳೂರಿಗೆ, 8 ಘಂಟೆಗೆ ಮಂಗಳೂರಿನಿಂದ ಹೊರಟು 9.05 ಕ್ಕೆ ಹುಬ್ಬಳ್ಳಿ ತಲುಪುತ್ತಿದ್ದ ವಿಮಾನ ಪ್ರಯಾಣಿಕರ ಸಂಖ್ಯೆ ಕಡಿಮೆ ಇರುವ ಕಾರಣ ಮಾರ್ಚ್ 10 ರಿಂದ ಹುಬ್ಬಳ್ಳಿ – ಮಂಗಳೂರು ನಡುವಿನ ಯಾನ ಸ್ಥಗಿತಗೊಳಿಸಿ ಹುಬ್ಬಳ್ಳಿ – ಪುಣೆ ನಡುವೆ ಯಾನ ಆರಂಭಗೊಳಿಸಲಿದೆ.
