ಮಂಗಳೂರು: ಮುಲ್ಕಿ ಪೊಲೀಸ್‌ ಠಾಣಾ ವ್ಯಾಪ್ತಿಯ ಹೆಜಮಾಡಿ ಟೋಲ್‌ ಗೇಟ್‌ ಬಳಿ ಸ್ಕೂಟರ್‌ ಮತ್ತು ಟ್ಯಾಂಕರ್‌ ನಡುವೆ ಸಂಭವಿಸಿದ ಭೀಕರ ಅಪಘಾತದಲ್ಲಿ ಇಬ್ಬರು ದಾರುಣ ಸಾವನ್ನಪ್ಪಿದ್ದಾರೆ.
ತೀರ್ಥಹಳ್ಳಿ ಮೂಲದ ಮಧ್ಯ ವಯಸ್ಕ ಗಂಡಸು ಮತ್ತು ಮಹಿಳೆ ಸ್ಕೂಟರ್‌ ನಲ್ಲಿ ಪ್ರಯಾಣಿಸುತ್ತಿದ್ದ ವೇಳೆ ಈ ಅವಘಡ ಸಂಭವಿಸಿದೆ. ಇಬ್ಬರ ತಲೆಯ ಭಾಗಕ್ಕೆ ಗಂಭೀರ ಗಾಯವಾಗಿದ್ದು ಸ್ಥಳದಲ್ಲಿಯೇ ಸಾವನ್ನಪ್ಪಿದ್ದಾರೆ. ಮೂಲ್ಕಿ ಠಾಣಾ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.
update: ಪಾಸ್‌ ಪೋರ್ಟ್‌ ರಿನಿವೆಲ್‌ ಗಾಗಿ ತೀರ್ಥ ಹಳ್ಳಿಯಿಂದ ಮಂಗಳೂರಿನ ಪಾಸ್‌ ಪೋರ್ಟ್‌ ಕಛೇರಿಗೆ ತೆರಳುತ್ತಿದ್ದ ವೇಳೆ ಈ ಘಟನೆ ಸಂಭವಿಸಿದೆ. ಇವರ ಜೊತೆ ಇನ್ನಿಬ್ಬರು ಕುಟುಂಬದ ಸದಸ್ಯರು ಬಂದಿದ್ದು ಅವರು ಅದಾಗಲೇ ಮಂಗಳೂರಿನತ್ತ ಮುಂದೆ ಸಾಗಿದ್ದರು. ಮೃತಪಟ್ಟ ದಂಪತಿಗಳನ್ನು ತೀರ್ಥ ಹಳ್ಳಿ ಮೂಲದ ಅಕ್ಬರ್‌ ಪಾಶಾ ಮತ್ತು ಅವರ ಪತ್ನಿ ಖತೀಜ ಎಂದು ಗುರುತಿಸಲಾಗಿದೆ.
