ಮಂಗಳೂರು: ಕುಮ್ಕಿ ಹಕ್ಕನ್ನು ಮಂಜೂರು ಮಾಡಬೇಕಿದ್ದರೆ ಸದ್ರಿ ಜಮೀನಿನಲ್ಲಿ ಅರ್ಜಿದಾರರು 14-04-1990 ಗಿಂತಲೂ ಮುಂಚೆ ಅನಧಿಕೃತ ವಾಸ್ತವ್ಯ ಹೊಂದಿರುವುದನ್ನು ಸಾಬೀತು ಮಾಡಬೇಕು ಎಂದು ಕರ್ನಾಟಕ ಹೈಕೋರ್ಟ್‌ ತೀರ್ಪು ನೀಡಿದೆ.
ಪದ್ಮನಾಭ ಶೆಟ್ಟಿ ಮತ್ತು ಕರ್ನಾಟಕ ರಾಜ್ಯ ಮತ್ತಿತರರು ಪ್ರಕರಣದಲ್ಲಿ ನ್ಯಾ. ಎನ್. ಎಸ್. ಸಂಜಯ್ ಗೌಡ ಅವರಿದ್ದ ಏಕಸದಸ್ಯ ನ್ಯಾಯಪೀಠ ಈ ತೀರ್ಪು ಪ್ರಕಟಿಸಿದೆ. ಕುಮ್ಕಿ ಹಕ್ಕಿನ ಮಂಜೂರಿಗೆ ಕೋರಿ ಅರ್ಜಿ ಸಲ್ಲಿಸುವ ಅರ್ಜಿದಾರರು ತಾವು ಸದ್ರಿ ಜಮೀನಿನಲ್ಲಿ 14-04-1990ಗಿಂತಲೂ ಮುಂಚೆ ಅನುಭೋಗದಲ್ಲಿ ಇರುವುದನ್ನು ಸಾಬೀತುಪಡಿಸಬೇಕು ಎಂದು ಹೇಳಿದೆ. ಅದನ್ನು ಸಾಬೀತುಪಡಿಸದ ಹೊರತು ಅವರಿಗೆ ಈ ಜಮೀನಿನ ಕುಮ್ಕಿ ಹಕ್ಕುಗಳನ್ನು ಮಂಜೂರು ಮಾಡಲಾಗದು ಎಂದು ನ್ಯಾಯಪೀಠ ಸ್ಪಷ್ಟಪಡಿಸಿದೆ.
