ಮಂಗಳೂರು(ಹೈದರಾಬಾದ್): ಗನ್ ಹಿಡಿದು, ತಲೆಗೆ ಹೆಲ್ಮೆಟ್ ಧರಿಸಿಕೊಂಡು ವ್ಯಕ್ತಿಯೊಬ್ಬ ಮನೆಗೆ ನುಗ್ಗಿದ್ದ ವೇಳೆ ತಾಯಿ, ಮಗಳು ಸೇರಿ ಹೊಡೆದು ಓಡಿಸಿರುವ ಘಟನೆ ತೆಲಂಗಾಣದ ಹೈದರಾಬಾದ್ ನಗರದ ಬೇಗಂಪೇಟ್ನಲ್ಲಿ ನಡೆದಿದೆ.
ಬೇಗಂಪೇಟ್ ಮನೆಯೊಂದಕ್ಕೆ ಬಂದೂಕು ಹಿಡಿದು ಅಪರಿಚಿತ ವ್ಯಕ್ತಿಯೊಬ್ಬ ನೇರ ನುಗ್ಗಿ ಗುಂಡು ಹಾರಿಸಲು ಪ್ರಾರಂಭಿಸಿದ್ದಾನೆ. ಆದರೆ ಮನೆಯಲ್ಲಿದ್ದ ತಾಯಿ, ಮಗಳು ಹಾಗೂ ಇನ್ನೊಬ್ಬ ಮಹಿಳೆ ದಾಳಿಕೋರರ ವಿರುದ್ಧ ಕೆಚ್ಚೆದೆಯಿಂದ ಹೋರಾಡಿ, ನೆಲಕ್ಕೆ ಕೆಡವಿ ಮೊದಲು ಅವನ ಹೆಲ್ಮೆಟ್ ತೆಗೆದಿದ್ದಾರೆ. ಬಳಿಕ ಆತನ ಕೈಯಲ್ಲಿದ್ದ ಗನ್ ಕಸಿದುಕೊಂಡು ಪರಸ್ಪರ ಹೊಡೆದಾಡಿದ್ದಾರೆ. ಮಹಿಳೆಯರು ಮಾಡಿದ ಪ್ರತಿದಾಳಿಗೆ ಹೆದರಿದ ದುಷ್ಕರ್ಮಿ ಅಲ್ಲಿಂದ ಪರಾರಿಯಾಗಿದ್ದಾನೆ. ಬೇಗಂಪೇಟೆಯ ಮನೆಯೊಂದರಲ್ಲಿ ಈ ಘಟನೆ ನಡೆದಿದ್ದು ದಾಳಿ ಸಂಬಂಧ ಪೊಲೀಸರು ಇಬ್ಬರು ಆರೋಪಿಗಳನ್ನ ಬಂಧಿಸಿ ವಿಚಾರಣೆ ನಡೆಸಿದ್ದಾರೆ. ಪರಿಚಯಸ್ಥನಿಂದಲೇ ಈ ರೀತಿಯ ದಾಳಿ ಆಗಿರಬಹುದು ಎಂದು ಬೇಗಂಪೇಟೆ ಪೊಲೀಸರು ಅನುಮಾನ ವ್ಯಕ್ತಪಡಿಸಿದ್ದಾರೆ.
