ಮಂಗಳೂರು(ಹೊಸದಿಲ್ಲಿ): ಗುರುವಾರ ತಮಿಳುನಾಡಿನ 9 ಲೋಕಸಭೆ ಕ್ಷೇತ್ರಗಳಿಗೆ ತನ್ನ ಅಭ್ಯರ್ಥಿಗಳ ಪಟ್ಟಿ ಬಿಡುಗಡೆ ಮಾಡಿದ್ದ ಬಿಜೆಪಿ, ಶುಕ್ರವಾರ ಮತ್ತೆ 15 ಅಭ್ಯರ್ಥಿಗಳ ಹೆಸರು ಪ್ರಕಟಿಸಿದೆ. ಈ ಪಟ್ಟಿಯಲ್ಲಿ ನಟ ಶರತ್ ಕುಮಾರ್ ಅವರ ಪತ್ನಿ, ನಟಿ ರಾಧಿಕಾ ಶರತ್ ಕುಮಾರ್ ಹೆಸರು ಇರುವುದು ಗಮನ ಸೆಳೆದಿದೆ.
ಬಿಜೆಪಿಯ ನಾಲ್ಕನೇ ಪಟ್ಟಿಯಲ್ಲಿ ಪುದುಚೆರಿಯ ಏಕೈಕ ಲೋಕಸಭೆ ಕ್ಷೇತ್ರ ಸೇರಿದಂತೆ ಒಟ್ಟು 15 ಸ್ಥಾನಗಳಿಗೆ ಟಿಕೆಟ್ ಪ್ರಕಟಿಸಲಾಗಿದೆ. ಪುದುಚೆರಿಯಿಂದ ಎ. ನಮಶಿವಾಯಂ ಅವರಿಗೆ ಟಿಕೆಟ್ ಘೋಷಿಸಲಾಗಿದೆ. ನಮಶಿವಾಯಂ ಅವರು ಪುದುಚೆರಿ ಕಾಂಗ್ರೆಸ್ ಮಾಜಿ ಅಧ್ಯಕ್ಷರಾಗಿದ್ದವರು. ಪಕ್ಷ ವಿರೋಧಿ ಚಟುವಟಿಕೆಗಳ ಕಾರಣದಿಂದ ಅವರನ್ನು 2021ರಲ್ಲಿ ಪಕ್ಷದಿಂದ ಅಮಾನತು ಮಾಡಲಾಗಿತ್ತು. ಶಾಸಕ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸಿದ್ದ ಅವರು ಬಿಜೆಪಿ ಸೇರಿದ್ದರು. ತಮಿಳುನಾಡಿನ ವಿರುಧುನಗರ ಲೋಕಸಭೆ ಕ್ಷೇತ್ರದಿಂದ ನಟಿ ರಾಧಿಕಾ ಶರತ್ ಕುಮಾರ್ ಅವರನ್ನು ಬಿಜೆಪಿ ಕಣಕ್ಕಿಳಿಸಿದೆ. ಶರತ್ ಕುಮಾರ್ ಅವರು ತಮ್ಮ ಅಖಿಲ ಇಂಡಿಯಾ ಸಮುದುವ ಮಕ್ಕಳ್ ಕಚ್ಚಿ ಪಕ್ಷವನ್ನು ಎರಡು ವಾರಗಳ ಹಿಂದಷ್ಟೇ ಬಿಜೆಪಿ ಜತೆ ವಿಲೀನಗೊಳಿಸಿದ್ದರು.
ಬಿಜೆಪಿ ಅಭ್ಯರ್ಥಿಗಳ ಪಟ್ಟಿ ಇಂತಿದೆ
1 ಪುದುಚೆರಿ ಎ ನಮಶಿವಾಯಂ
2 ತಿರುವಳ್ಳೂರ್ (ಎಸ್‌ಸಿ) ಬಾಲಗಣಪತಿ
3 ಚೆನ್ನೈ ದಕ್ಷಿಣ ಪೌಲ್ ಕನಗರಾಜ್
4 ತಿರುವಣ್ಣಾಮಲೈ ಅಶ್ವತ್ಥಾಮನ್
5 ನಮಕ್ಕಲ್ ಕೆಪಿ ರಾಮಲಿಂಗಮ್
6 ತಿರುಪ್ಪೂರ್ ಎಪಿ ಮುರುಗಾನಂದಮ್
7 ಪೊಲ್ಲಾಚಿ ವಸಂತರಾಜನ್
8 ಕರೂರ್ ವಿವಿ ಸೆಂಥಿಲ್‌ನಾಥನ್
9 ಚಿದಂಬರಂ (ಎಸ್‌ಸಿ) ಕಾರ್ತಿಯಾಯಿನಿ
10 ನಾಗಪಟ್ಟಿಣಂ (ಎಸ್‌ಸಿ) ಎಸ್‌ಜಿಆರ್ ರಮೇಶ್
11 ತಂಜಾವೂರ್ ಮುರುಗನಾದಂ
12 ಶಿವಗಂಗಾ ದೇವನಾಥನ್ ಯಾದವ್
13 ವಿರುಧುನಗರ ರಾಧಿಕಾ ಶರತ್ ಕುಮಾರ್
14 ಮದುರೈ ರಾಮ ಶ್ರೀನಿವಾಸನ್
15 ತೆಂಕಸೈ ಜಾನ್ ಪಾಂಡಿಯನ್
