ಪಿಜ್ಜಾ ಸವಿಯುತ್ತಿದ್ದ ಮಹಿಳೆಯ ಸರ ಎಗರಿಸಿ ಪರಾರಿಯಾದ ಕಳ್ಳ – ಕಳ್ಳನ ಕೈಚಳಕ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆ

June 9, 2024

ಮಂಗಳೂರು(ಹರಿಯಾಣ): ಮಹಿಳೆ ಪಿಜ್ಜಾ ತಿನ್ನುವುದನ್ನು ಗಮನಿಸಿದ ಕಳ್ಳನೊಬ್ಬ ಆಕೆಯ ಸರ ಕಸಿದು ಪರಾರಿಯಾದ ದೃಶ್ಯ ಸಮೇತದ ಘಟನೆಯೊಂದು ವೈರಲ್ ಆಗಿದೆ.

ಮಹಿಳೆಯೊಬ್ಬಳು ತನ್ನ ಸ್ನೇಹಿತೆಯರೊಂದಿಗೆ ಮಳಿಗೆಯೊಂದರಲ್ಲಿ ಪಿಜ್ಜಾ ಸೇವಿಸುತ್ತಿದ್ದ ವೇಳೆ ಹೆಲ್ಮೆಟ್ ಧರಿಸಿ ಅಂಗಡಿ ಒಳಗೆ ಬಂದ ಕಳ್ಳನೊಬ್ಬ ಮಹಿಳೆಯ ಕುತ್ತಿಗೆಯಲ್ಲಿದ್ದ ಚೈನ್ ಕಸಿದು ಪರಾರಿಯಾದ ಘಟನೆ ಜೂ.8ರಂದು ಹರಿಯಾಣದ ಪಾಣಿಪತ್ನಲ್ಲಿ ನಡೆದಿದೆ. ಕಳ್ಳನು ಪಿಜ್ಜಾ ಆರ್ಡರ್ ಮಾಡಿದ ಬಳಿಕ ಆರ್ಡರ್ಗಾಗಿ ಕಾದು ನಿಂತಂತೆ ನಟಿಸಿದ್ದಾನೆ. ಅತ್ತ ಮಹಿಳೆ ಪಿಜ್ಜಾ ತಿನ್ನುತ್ತಿದ್ದನ್ನು ಗಮನಿಸಿದ ಕಳ್ಳ ಆಕೆಯ ಕುತ್ತಿಗೆಯಲ್ಲಿದ್ದ ಚೈನ್ ಕಸಿದು ಪರಾರಿಯಾಗಿದ್ದಾನೆ. ಈ ದೃಶ್ಯ ಮಳಿಗೆಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಸುಮಾರು 20 ಗ್ರಾಂ ತೂಕದ ಸರವನ್ನು ಆತ ಕಸಿದುಕೊಂಡು ಹೋಗಿದ್ದಾನೆ. ಈ ಕುರಿತು ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಲಾಗಿದ್ದು, ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.