ಮಂಗಳೂರು(ಕಲ್ಯಾಣ್): ಹುಟ್ಟುಹಬ್ಬದಂದು ಎಣ್ಣೆ ಕಮ್ಮಿಯಾಯಿತೆಂದು ಸ್ನೇಹಿತನನ್ನು 4ನೇ ಮಹಡಿಯಿಂದ ಎಸೆದ ಅಚ್ಚರಿಯ ಘಟನೆಯೊಂದು ಬೆಳಕಿಗೆ ಬಂದಿದೆ. ಕಲ್ಯಾಣ್ನ ಚಿಂಚಪಾದ ಗಾಂವ್ನಲ್ಲಿ ಈ ದುರ್ಘಟನೆ ಜೂ.27ರಂದು ನಡೆದಿದ್ದು ಕಾರ್ತಿಕ್ ಎಂಬಾತ ಸಾವನ್ನಪ್ಪಿದ್ದಾನೆ.
ಕಾರ್ತಿಕ್ ತನ್ನ 25ನೇ ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದ. ಹೀಗಾಗಿ ಸ್ನೇಹಿತರಾದ ನಿಲೇಶ್ ಕ್ಷೀರಸಾಗರ್, ಸಾಗರ್ ಕಾಳೆ ಮತ್ತು ಧೀರಜ್ ಜೊತೆಗೆ ಎಣ್ಣೆ ಪಾರ್ಟಿ ಮಾಡುದ್ದಾನೆ. ಆದರೆ ಎಣ್ಣೆ ಖಾಲಿಯಾದಾಗ ಕೋಪಗೊಂಡ ಸ್ನೇಹಿತರು ಆತನನ್ನು 4ನೇ ಮಹಡಿಯಿಂದ ಎತ್ತಿ ಕೆಳಗೆ ಬಿಸಾಕಿದ್ದಾರೆ.
ತಡರಾತ್ರಿ ಎಣ್ಣೆ ಖಾಲಿಯಾದಾಗ ಸ್ನೇಹಿತರ ಮತ್ತು ಕಾರ್ತಿಕ್ ನಡುವೆ ವಾಗ್ವಾದ ನಡೆದಿದೆ. ಈ ವೇಳೆ ಕಾರ್ತಿಕ್ ಅವಮಾನಗೊಂಡು ಕೋಪದಲ್ಲಿ ನಿಲೇಶ್ ತಲೆಯ ಮೇಲೆ ಮದ್ಯದ ಬಾಟಲಿಯಿಂದ ಹೊಡೆದಿದ್ದಾನೆ. ಪರಿಣಾಮ ಗಲಾಟೆ ಮತ್ತಷ್ಟು ತಾರಕಕ್ಕೇರಿದ್ದು, ಮೂವರು ಸ್ನೇಹಿತರನ್ನು ಕಾರ್ತಿಕ್ ಮನೆಯಿಂದ ಹೊರ ನಡೆಯುವಂತೆ ಹೇಳಿದ್ದಾನೆ.
ಅವಮಾನವಾಗಿದೆ ಅಂದು ಕೊಂಡು ಎಣ್ಣೆಯ ಗುಂಗಿನಲ್ಲಿದ್ದ ಸ್ನೇಹಿತರು ಕೋಪದಿಂದ ಕಾರ್ತಿಕ್ ನನ್ನು 4ನೇ ಮಹಡಿಯಿಂದ ಕೆಳಗೆ ಎಸೆದಿದ್ದಾರೆ. ಕೆಳಗೆ ಬಿದ್ದ ಕಾರ್ತಿಕ್ ಸಾವನ್ನಪ್ಪಿದ್ದಾನೆ.
ಪೋಷಕರು ಪೊಲೀಸರಿಗೆ ಮಾಹಿತಿ ನೀಡಿದ್ದು ಮೂವರು ಸ್ನೇಹಿತರನ್ನು ಬಂಧಿಸಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಬಾಟಲಿ ಏಟಿಗೆ ಗಾಯಗೊಂಡ ಸ್ನೇಹಿತ ನಿಲೇಶ್ ನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಬದುಕಿನ ಸರಿ ತಪ್ಪುಗಳನ್ನು ಹೇಳುವ ಮೂಲಕ ಕನ್ನಡಿಯಂತಿರಬೇಕಾಗಿದ್ದ ಸ್ನೇಹಿತರು ಎಣ್ಣೆಗಾಗಿ ಸ್ನೇಹಿತನನ್ನೇ ಕೊಂದಿರುವುದು ವಿಪರ್ಯಾಸವೇ ಸರಿ.
