ಮಂಗಳೂರು(ಬುಡಾಪೆಸ್ಟ್): ಹಂಗೇರಿಯ ಬುಡಾಪೆಸ್ಟ್‌ನಲ್ಲಿ ನಡೆದ ವಿಶ್ವ ಅಥ್ಲೆಟಿಕ್ಸ್‌ ಚಾಂಪಿಯನ್‌ಶಿಪ್‌ನಲ್ಲಿ ಭಾರತದ ನೀರಜ್‌ ಚೋಪ್ರಾ ಜಾವೆಲಿನ್‌ ಥ್ರೋನಲ್ಲಿ ಚಿನ್ನ ಗೆದ್ದು ಇತಿಹಾಸ ನಿರ್ಮಿಸಿದ್ದಾರೆ.
ವಿಶ್ವ ಅಥ್ಲೆಟಿಕ್‌ ಚಾಂಪಿಯನ್‌ಶಿಪ್‌ನಲ್ಲಿ ಭಾರತೀಯ ಅಥ್ಲೀಟ್‌ ಜಾವೆಲಿನ್‌ನಲ್ಲಿ ಚಿನ್ನ ಪಡೆದಿರುವುದು ಇದೇ ಮೊದಲ ಸಾಧನೆಯಾಗಿದೆ. ನೀರಜ್‌ ಮೊದಲ ಪ್ರಯತ್ನದಲ್ಲಿ ಫೌಲ್‌ ಆದರೂ, 2ನೇ ಪ್ರಯತ್ನದಲ್ಲಿ 88.17ಮೀಟರ್ ದೂರ ಎಸೆದು ಚಿನ್ನದ ಪದಕ ತನ್ನದಾಗಿಸಿಕೊಂಡರು. ಪಾಕಿಸ್ತಾನದ ಅರ್ಷದ್‌ ನದೀಂ ಬೆಳ್ಳಿ ಪದಕ ಪಡೆದಿದ್ದು, ಜೆಕ್ ಗಣರಾಜ್ಯದ ಜಾಕೋಬ್ ವಡ್ಲೆಚ್ 86.67 ಮೀಟರ್ ಎಸೆದು ಕಂಚಿನ ಪದಕ ಗೆದ್ದರು.
