ಮಂಗಳೂರು(ಯಲ್ಲಾಪುರ): ಹಳ್ಳಿ ಹೈದ ಪ್ಯಾಟಿಗೆ ಬಂದ ರಿಯಾಲಿಟಿ ಶೋ ದಲ್ಲಿ ಪಾತ್ರ ನಿರ್ವಹಿಸಿದ್ದ ಭಾಸ್ಕರ ಸಿದ್ದಿ ಈಗ ಪೋಲಿಸ್ ಅತಿಥಿಯಾಗಿ ಕಂಬಿ ಸೇರುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾನೆ.
ತಾಲೂಕಿನ ಗುಳ್ಳಾಪುರದ ಅಂಗಡಿಯೊಂದರ ಮೇಲ್ಛಾವಣಿ ತೆಗೆದು ಅಂಗಡಿಯೊಳಗೆ ಇಳಿದು ಹಣ ದೋಚಿದ ಪ್ರಕರಣಕ್ಕೆ ಸಂಬಂಧಿಸಿ‌ದಂತೆ ಸಿದ್ದಿಯನ್ನು ಪೋಲಿಸರು ಬಂಧಿಸಿದ್ದಾರೆ. ಈತ ಈ ಹಿಂದೆಯೂ ಕಳ್ಳತನದಲ್ಲಿ ಭಾಗಿಯಾಗಿದ್ದ. ನ.8 ರಂದು ಅಂಗಡಿಯೊಳಗೆ ಇಳಿದು ಈತ ಕ್ಯಾಶ್ ಕೌಂಟರ್ ನಲ್ಲಿದ್ದ 38 ಸಾವಿರ ನಗದು ಕದ್ದೋಯ್ದಿದ್ದಾನೆ. ಈತನಿಂದ 14,300 ರೂ ವಶಕ್ಕೆ ಪಡೆಯಲಾಗಿದೆ. ನ9ರಂದು ಕಳ್ಳತನದ ಬಗ್ಗೆ ಅಂಗಡಿ ಮಾಲಿಕ ಜಿ.ಆರ್.ಭಟ್ಟ ದೂರು ದಾಖಲಿಸಿದ್ದರು. ಸಿಸಿ ಕ್ಯಾಮೇರಾದಲ್ಲಿ ದೃಶ್ಯಾವಳಿ ಆಧಾರದಲ್ಲಿ ಪೋಲಿಸರು 24 ಗಂಟೆಯೊಳಗೆ ಭಾಸ್ಕರ ಸಿದ್ಧಿಯನ್ನು ಬಂಧಿಸಿದ್ದಾರೆ. ಸಿಪಿಐ ರಂಗನಾಥ ನೀಲಮ್ಮನವರ್, ಪಿಎಸ್ಐ ನಿರಂಜನ ಹೆಗಡೆ, ರವಿಗುಡ್ಡಿ ಹಾಗೂ ಸಿಬ್ಬಂದಿಗಳು ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು.
