ಮಂಗಳೂರು(ನವದೆಹಲಿ): ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ ಫೆ.17 ರಂದು ಜಿಎಸ್‌ಎಲ್ವಿ-ಎಫ್ 14 ಮಿಷನ್ನ ಭಾಗವಾಗಿ ಇನ್ಸಾಟ್ -3 ಡಿಎಸ್ ಬಾಹ್ಯಾಕಾಶ ನೌಕೆಯನ್ನು ಉಡಾವಣೆ ಮಾಡಲು ಸಜ್ಜಾಗಿದೆ.
ಫೆ.17 ರಂದು ಸಂಜೆ 5:30 ಕ್ಕೆ ಶ್ರೀಹರಿಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ಉಪಗ್ರಹವನ್ನು ಉಡಾವಣೆ ಮಾಡಲಾಗುವುದು ಎಂದು ಇಸ್ರೋ ತಿಳಿಸಿದೆ. ಇದು ಇಸ್ರೋದ ಜಿಯೋಸಿಂಕ್ರೋನಸ್ ಸ್ಯಾಟಲೈಟ್ ಲಾಂಚ್ ವೆಹಿಕಲ್ ನ 16ನೇ ಹಾರಾಟವಾಗಿದೆ. ಜನವರಿ 25, 2024 ರಂದು ಉಪಗ್ರಹವನ್ನು ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರಕ್ಕೆ ತರಲಾಗಿದೆ. ಇನ್ಸಾಟ್-3ಡಿಎಸ್ ಹವಾಮಾನ ಮತ್ತು ವಿಪತ್ತು ಎಚ್ಚರಿಕೆ ಉಪಗ್ರಹವಾಗಿದೆ. ಇದು ಇತ್ತೀಚಿನ ಇನ್ಸಾಟ್ (ಭಾರತೀಯ ರಾಷ್ಟ್ರೀಯ ಉಪಗ್ರಹ) ಆಗಿದ್ದು, ಅಸ್ತಿತ್ವದಲ್ಲಿರುವ ಕಕ್ಷೆಯಲ್ಲಿರುವ ಇನ್ಸಾಟ್-3 ಡಿ ಮತ್ತು ಇನ್ಸಾಟ್-3 ಡಿಆರ್ ಉಪಗ್ರಹಗಳು ಒದಗಿಸುವ ಸೇವೆಗಳ ಮುಂದುವರಿಕೆಗೆ ಅವಕಾಶ ನೀಡುತ್ತದೆ. ಇನ್ಸಾಟ್-3ಡಿಎಸ್ ಇನ್ಸಾಟ್ ವ್ಯವಸ್ಥೆಯ ಸಾಮರ್ಥ್ಯವನ್ನು ಹೆಚ್ಚಿಸಲು ಅನುವು ಮಾಡಿಕೊಡುತ್ತದೆ.
