ಮಂಗಳೂರು (ಮಹಾರಾಷ್ಟ್ರ): 12ರ ಹರೆಯದ ಬಾಲಕನೋರ್ವ ಆಫೀಸ್‌ ಒಳಗಡೆ ನುಗ್ಗಿದ ಚಿರತೆಯನ್ನು ತಾಳ್ಮೆ ಮತ್ತು ಚಾಣಾಕ್ಷತಣದಿಂದ ಕೂಡಿ ಹಾಕಿದ ಘಟನೆ ಮಹಾರಾಷ್ಟ್ರದ ಮಾಲೇಗಾಂವ್ ಪಟ್ಟಣದಲ್ಲಿ ನಡೆದಿದೆ.
ಮಾಲೇಗಾಂವ್ ನಗರದಲ್ಲಿ ಕಳೆದ ಕೆಲ ದಿನಗಳಿಂದ ಚಿರತೆಗಳ ಓಡಾಟ ಹೆಚ್ಚಾಗಿರುವುದರಿಂದ ಆ ಪ್ರದೇಶದಲ್ಲಿ ಭಯದ ವಾತಾವರಣ ನಿರ್ಮಾಣವಾಗಿದೆ. ಅದರಂತೆ ಮಾಲೇಗಾಂವ್‌ನ ನಾಂಪುರ ರಸ್ತೆಯ ಪಕ್ಕದಲ್ಲಿರುವ ಆಫೀಸ್‌ ಒಳಗೆ ಚಿರತೆ ನುಗ್ಗಿದ್ದು, ಈ ವೇಳೆ ಮೋಹಿತ್ ವಿಜಯ್ ಅಹಿರೆ ಎಂಬ ಬಾಲಕ ಸೋಫಾದಲ್ಲಿ ಕುಳಿತು ಮೊಬೈಲ್ನಲ್ಲಿ ಗೇಮ್ ಆಡುತ್ತಿದ್ದನು. ಬಾಗಿಲ ಬಳಿ ಸೋಫಾದಲ್ಲಿ ಕುಳಿತಿದ್ದ ಬಾಲಕನನ್ನು ಗಮನಿಸದ ಚಿರತೆ ಆಫೀಸ್‌ ಒಳಗೆ ನುಗ್ಗಿದೆ. ಬಾಲಕ ಸಮಯಪ್ರಜ್ಞೆ ಮೆರೆದು ಧೈರ್ಯದಿಂದ ಬಾಗಿಲನ್ನು ಹಾಕಿ ಚಿರತೆಯನ್ನು ಕೂಡಿಹಾಕಿದ್ದಾನೆ.
ಈ ಸುದ್ದಿಯನ್ನು ಮೋಹಿತ್ ಪೋಷಕರಿಗೆ ತಿಳಿಸಿದ್ದು, ಕೂಡಲೇ ಮಾಹಿತಿಯನ್ನು ಪೋಷಕರು ಮತ್ತು ಸ್ಥಳೀಯರು ಅರಣ್ಯ ಇಲಾಖೆ ಮತ್ತು ಪೊಲೀಸ್ ಇಲಾಖೆಗೆ ತಿಳಿಸಿದ್ದಾರೆ. ಸುದ್ದಿ ತಿಳಿದ ಕೂಡಲೇ ಸ್ಥಳಕ್ಕಾಗಮಿಸಿದ ಅರಣ್ಯ ಇಲಾಖೆ ಮತ್ತು ಪೊಲೀಸ್ ಇಲಾಖಾ ಸಿಬ್ಬಂದಿಗಳು ಚಿರತೆಗೆ ಪ್ರಜ್ಞೆ ತಪ್ಪಿಸುವ ಅರವಳಿಕೆ ನೀಡಿ ಸೆರೆ ಹಿಡಿದು ಸುರಕ್ಷಿತವಾಗಿ ಕಾಡಿಗೆ ಬಿಟ್ಟಿದ್ದಾರೆ. ಚಿರತೆ ಸೆರೆಯಾದ ಬಳಿಕ ಆ ಭಾಗದ ಜನರು ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ. 12ರ ಹರೆಯದ ಬಾಲಕನ ಧೈರ್ಯ ಆಫೀಸ್‌ ಒಳಗಿನ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಎಲ್ಲೆಡೆ ಪ್ರಶಂಸೆ ವ್ಯಕ್ತವಾಗಿದೆ.
”ನಾನು ಆಫೀಸ್‌ ಒಳಗಡೆ ಮೊಬೈಲ್ ಚಾರ್ಜ್ ಗೆ ಹಾಕಿ ಗೇಮ್ ಆಡುತ್ತಿದ್ದೆ. ಈ ವೇಳೆ ಚಿರತೆ ಮೆಲ್ಲನೆ ಆಫೀಸ್‌ ಒಳಗೆ ನುಗ್ಗಿದ್ದು, ನಾನು ಕೂಡಲೇ ಮೊಬೈಲ್ ಅನ್ನು ಎತ್ತಿಕೊಂಡು ಬಾಗಿಲನ್ನು ಹಾಕಿ ಹೊರಗೆ ಓಡಿದೆ. ಆ ಸಮಯ ನಮ್ಮ ತಂದೆ ಹೊರಗೆ ಹೋಗಿದ್ದರು. ಬಳಿಕ ಅವರು ಬಂದಾಗ ಈ ವಿಷಯವನ್ನು ಅವರಿಗೆ ತಿಳಿಸಿದೆ” ಎಂದು ಬಾಲಕ ಮೋಹಿತ್ ನಡೆದ ಘಟನೆ ಬಗ್ಗೆ ವಿವರಿಸಿದ್ದಾನೆ.
ವಿಡಿಯೋಗಾಗಿ ಇಲ್ಲಿ ಕ್ಲಿಕ್‌ ಮಾಡಿ
That boy has amazing level of patience & presence of mind. Must be rewarded. From Malegaon. pic.twitter.com/bhq9r77UHm
— Parveen Kaswan, IFS (@ParveenKaswan) March 6, 2024
