ಮಂಗಳೂರು(ಕ್ಯಾಲಿಫೋರ್ನಿಯಾ): ವಯಸ್ಸಾದ ಮೇಲೆ ಮುಖದಲ್ಲಿ ಸುಕ್ಕು ಉಂಟಾಗುವುದು ಸಹಜ. ಕೆಲವರಲ್ಲಿ ಚಿಕ್ಕ ವಯಸ್ಸಿನಲ್ಲೇ ಚರ್ಮದಲ್ಲಿ ನೆರಿಗೆ ಉಂಟಾಗುತ್ತದೆ. ಆದರೆ ಜಪಾನ್ ಅಜ್ಜಿಯೊಬ್ಬರು ತಮ್ಮ 80 ರ ಇಳಿವಯಸ್ಸಿನಲ್ಲೂ ಮುಖದಲ್ಲಿ ಒಂದೇ ಒಂದು ಸುಕ್ಕಿಲ್ಲದೇ ಯುವತಿಯಂತೆ ಮಿಂಚುತ್ತಿದ್ದಾರೆ.
ಪ್ರಸ್ತುತ ಕ್ಯಾಲಿಫೋರ್ನಿಯಾದಲ್ಲಿರುವ ಯೂರಿ ಲೀ ಎಂಬ ಸೋಶಿಯಲ್ ಮೀಡಿಯಾ ಪ್ರಭಾವಿ ಇತ್ತೀಚೆಗಷ್ಟೇ ತನ್ನ 80 ವರ್ಷದ ಅಜ್ಜಿಯ ಸುಕ್ಕು ರಹಿತ ಹೊಳೆಯುವ ತ್ವಚೆಯ ಬಗ್ಗೆ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. 4 ತಿಂಗಳ ಹಿಂದೆ ಹಂಚಿಕೊಂಡಿರುವ ಈ ವಿಡಿಯೋ ಇಲ್ಲಿಯವರೆಗೆ 42.5 ಮಿಲಿಯನ್ ವೀಕ್ಷಣೆಯನ್ನು ಪಡೆದುಕೊಂಡಿದೆ. ಯೂರಿ ಲೀ, “ನನ್ನ ಅಜ್ಜಿ ನಾನು ನೋಡಿದ ಅತ್ಯಂತ ಸುಂದರವಾದ ಚರ್ಮವನ್ನು ಹೊಂದಿದ್ದಾರೆ” ಎಂದು ಬರೆದುಕೊಂಡಿದ್ದಾಳೆ. ಯೂರಿ ಲೀ ತನ್ನ ಅಜ್ಜಿ ತನ್ನ 20 ನೇ ವಯಸ್ಸಿನಿಂದಲೂ ತನ್ನ ಚರ್ಮದ ಆರೈಕೆಯನ್ನು ಮಾಡುತ್ತಿದ್ದಾರೆ ಎಂದು ಉಲ್ಲೇಖಿಸಿದ್ದಾಳೆ. ವೈರಲ್ ವೀಡಿಯೊದ ಪ್ರಕಾರ, ಯೂರಿಯ ಅಜ್ಜಿ ಜಪಾನೀಸ್ ಸ್ಕಿನ್‌ಕೇರ್ ಬ್ರ್ಯಾಂಡ್ ಮನವಿಸ್ ಅನ್ನು ಬಳಸುತ್ತಾರೆ. ಇದಲ್ಲದೇ ಅದೇ ಬ್ರಾಂಡ್‌ನ ವಿಟಮಿನ್ ಸಿ ಸೀರಮ್ ಆಗಿರುವ ವೈಟ್ನಿಂಗ್ ಎಸೆನ್ಸ್ ಮನವಿಸ್ ರಿಸ್ಟೋರ್ ಜೆಲ್ ಅನ್ನು ಅನ್ವಯಿಸುತ್ತಾರೆ, ಇದು ಹಗುರವಾದ ಮಾಯಿಶ್ಚರೈಸರ್ ಆಗಿದ್ದು ಅದು ಹೊಳಪನ್ನು ನೀಡುತ್ತದೆ ಎಂದು ಹೇಳಿದ್ದಾಳೆ.
