ಮಂಗಳೂರು(ಬೆಂಗಳೂರು): ಧಾರವಾಡದ ಹನುಮನಕೊಪ್ಪದಲ್ಲಿ ಬೊಂಬೆ ಭವಿಷ್ಯ, ಬಾಗಲಕೋಟೆಯ ಬೀಳಗಿಯ ಎಕ್ಕೆ ಎಲೆ ಭವಿಷ್ಯ ನಂತರ ಇದೀಗ ವಿಜಯಪುರದಲ್ಲಿ ಯುಗಾದಿ ಜಾತ್ರೆಯ ಕತ್ನಳ್ಳಿ ಕಾರ್ಣಿಕ ಭವಿಷ್ಯ ನುಡಿಯಲಾಗಿದೆ.
ದೈತ್ಯ ಕಂಪನಿ ಗಂಟು ಬಿದ್ದೈತಿ.. ದೈತ್ಯ ಕಂಪನಿ ದೈತ್ಯರ ರಾಜಕೀಯ ಆಳಬೇಕು ಎಂದು ಗಂಟು ಬಿದೈತಿ. ತಮ್ಮ ಕಡೆಯಿಂದ ಆಗದೇ ಹೋದರೆ ಮಿಕ್ಸ್ ಬಾಜಿ ಮಾಡಲು ಗಂಟು ಬಿದ್ದಿದೆ ಎಂದು ಭಾರೀ ಅಚ್ಚರಿಯ ಕಾರ್ಣಿಕ ನುಡಿಯಲಾಗಿದೆ. ಯಾರಿಗೆ ಮತ ಹಾಕುತ್ತೀರಿ ಎಂಬುದು ನಿಮಗೆ ಬಿಟ್ಟಿದ್ದು, ಸರಿಯಾದ ನಿರ್ಧಾರ ಮಾಡಿ ಎಂದಿದ್ದಾರೆ. ಮಳೆಗಾಗಿ ಶಿವನೇ ಒಂಟಿ ಕಾಲಲ್ಲಿ ತಪಸ್ಸಿಗೆ ನಿಂತಿದ್ದಾನೆ. ನೀರಿಗಾಗಿ ಇನ್ನಷ್ಟು ಪರದಾಟವಿದೆ ಎಂದು ಶಿವಯ್ಯ ಅಜ್ಜ ಸೂಕ್ಷ್ಮವಾಗಿ ಭವಿಷ್ಯ ಬಿಚ್ಚಿಟ್ಟಿದ್ದು, ಬರದಿಂದ ಕಂಗೆಟ್ಟ ಜನರಿಗೆ ಕತ್ನಳ್ಳಿ ಭವಿಷ್ಯ ಅಘಾತಕಾರಿಯಾಗಿ ಪರಿಣಮಿಸಿದೆ.
