ಮಂಗಳೂರು(ಮಡಿಕೇರಿ): ಸೂರ್ಲಬ್ಬಿ ಬಳಿಯ ಕುಂಬಾರಗಡಿಗೆ ಗ್ರಾಮದಲ್ಲಿ ಹತ್ಯೆಗೊಳಗಾಗಿದ್ದ ಮೀನಾಳ ರುಂಡ ಪತ್ತೆಯಾಗಿದೆ.
ಮೇ.9 ರಂದು ನಡೆದಿದ್ದ ವಿದ್ಯಾರ್ಥಿನಿ ಮೀನಾಳ ಹತ್ಯೆ ಮಾಡಿ ಕಾಡಿನಲ್ಲಿ ಅವಿತುಕೊಂಡಿದ್ದ ಆರೋಪಿ ಪೊಣ್ಣಂಡ ಪ್ರಕಾಶ್‌ ನನ್ನು ಬಂಧಿಸಲಾಗಿದ್ದು, ಪೊಲೀಸರು ಸ್ಥಳ ಮಹಜರು ನಡೆಸಿದ್ದು ಅಪ್ರಾಪ್ತ ಬಾಲಕಿ ಮೀನಾಳ ರುಂಡ ಪತ್ತೆಯಾಗಿದೆ. ಘಟನೆ ನಡೆದ ಸ್ಥಳದಿಂದ 300 ಮೀಟರ್‌ ದೂರದಲ್ಲಿ ಆರೋಪಿ ಪ್ರಕಾಶ್‌ ಜೊತೆಗೆ ಸೋಮವಾರಪೇಟೆ ಪೊಲೀಸರು ಸ್ಥಳ ಮಹಜರು ನಡೆಸಿದ ಸಂದರ್ಭ ಪೊದೆಯೊಂದರ ಬಳಿ ಮರದ ಮೇಲಿರಿಸಿದ್ದ ರುಂಡ ಪತ್ತೆಯಾಗಿದೆ. ವಿವಾಹ ನಿಶ್ಚಿತಾರ್ಥ ಮುಂದೂಡಿಕೆಯಾದ ಕೋಪದಲ್ಲಿ 16 ವರ್ಷದ ಅಪ್ರಾಪ್ತ ಬಾಲಕಿ ಮೀನಾಳ ತಲೆ ಕಡಿದು ಭೀಕರವಾಗಿ ಹತ್ಯೆ ಮಾಡಿ ಆರೋಪಿ ಪ್ರಕಾಶ ಪರಾರಿಯಾಗಿದ್ದ.
