ಮಂಗಳೂರು(ಮುಂಬೈ): ಕೃಷಿಕ ಮಹಿಳೆಯೊಬ್ಬರು ಐಷಾರಾಮಿ ಪೋರ್ಶೇ ಕಾರಲ್ಲಿ ದನಗಳಿಗೆ ಹುಲ್ಲು ಸಾಗಿಸುತ್ತಿದ್ದು,ಈಕೆಯ ವೀಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವೀಡಿಯೋ ನೋಡಿದ ನೆಟ್ಟಿಗರು ಶಾಕ್‌ ಆಗಿದ್ದಾರೆ.
ಹುಲ್ಲು ಸಾಗಿಸುವ ಈ ಕಾರಿನ ಬೆಲೆ 1.5 ಕೋಟಿ ರೂಪಾಯಿ. ಭಾರಿ ಮೊತ್ತದ ಈ ಪೋರ್ಶೆ 718 ಬಾಕ್ಸಸ್ಟರ್ ಕಾರನ್ನು ಮಹಿಳೆಯೊಬ್ಬರು ಹುಲ್ಲು ಸಾಗಣೆಗೆ ಬಳಸುತ್ತಿರುವುದನ್ನು ನೋಡಿ ನೆಟ್ಟಿಗರು ಆಶ್ಚರ್ಯಗೊಂಡಿದ್ದಾರೆ. ndahiya2021 ಎಂಬ ಇನ್ಸ್ಟಾಗ್ರಾಮ್ ಪೇಜ್‌ನಿಂದ ಈ ವೀಡಿಯೋ ವೈರಲ್ ಆಗಿದ್ದು, ವೀಡಿಯೋದಲ್ಲಿ ರೈತ ಮಹಿಳೆ ಪೋರ್ಶೆ ಬಾಕ್ಸ್‌ಸ್ಟರ್ 718 ಗಾಡಿಯನ್ನು ಚಲಾಯಿಸುತ್ತಿದ್ದಾರೆ. ತಾವು ಐಷಾರಾಮಿ ಸ್ಪೋರ್ಟ್ಸ್‌ ಪೋರ್ಶೆ ಕಾರಿನಲ್ಲಿಯೂ ಹುಲ್ಲು ಸಾಗಣೆ ಮಾಡುತ್ತೇವೆ ಎಂದು ಹೇಳುವ ಆಕೆ ನಂತರ ತಮಾಷೆಯಾಗಿ ತರುಣನೊಬ್ಬನಿಗೆ ಹೊಡೆದು ಕಾರಿನಿಂದ ಹುಲ್ಲಿನ ಚೀಲವನ್ನು ಕೆಳಗಿಳಿಸುವಂತೆ ಹೇಳುತ್ತಾಳೆ. ಅದಾದ ನಂತರ ಕಾರಿನ ಹಿಂಭಾಗವನ್ನು ಮುಚ್ಚುತ್ತಾಳೆ. ಇದಾದ ನಂತರ ಅಲ್ಲಿಗೆ ಬಂದ ಮತ್ತೊಬ್ಬ ವ್ಯಕ್ತಿ ಕಾರಿನ ಹಿಂಭಾಗವನ್ನು ಸರಿಯಾಗಿ ಕ್ಲೋಸ್ ಮಾಡುತ್ತಾನೆ. ಹರಿಯಾಣಿ ಭಾಷೆ ಮಾತನಾಡುವ ಮಹಿಳೆಯ ಈ ವೀಡಿಯೋ ಸಖತ್‌ ವೈರಲ್ ಆಗಿದೆ.
