ಮಂಗಳೂರು: ಇಲ್ಲಿನ ಎ.ಜೆ ಶೆಟ್ಟಿ ವೈದ್ಯಕೀಯ ಕಾಲೇಜಿನ ವಿದ್ಯಾರ್ಥಿನಿ ಡಾ. ಭವಾನಿ ಆರ್ ನಾಯಕ್ ಎಂಬಿಬಿಎಸ್ ಅಂತಿಮ ಪದವಿ ಪರೀಕ್ಷೆಯಲ್ಲಿ ಫಾರ್ಮಾಕಾಲಜಿ ವಿಷಯದಲ್ಲಿ ರಾಜೀವ್ ಗಾಂಧಿ ಆರೋಗ್ಯ ವಿಜ್ಞಾನ ವಿಶ್ವವಿದ್ಯಾಲಯದಲ್ಲಿಯೇ ಅತೀ ಹೆಚ್ಚು ಅಂಕ ಗಳಿಸುವ ಮೂಲಕ 7 ಚಿನ್ನದ ಪದಕಗಳನ್ನು ಮುಡಿಗೇರಿಸಿಕೊಂಡಿದ್ದು 50ಸಾವಿರ ನಗದು ಬಹುಮಾನವನ್ನು ಪಡೆದಿದ್ದಾರೆ. ಡಾ. ಭವಾನಿ ಆರ್ ನಾಯಕ್ ಕೊಪ್ಪದ ಉದ್ಯಮಿ ರಜನೀಕಾಂತ್ ನಾಯಕ್ ಮತ್ತು ರೇಖಾ ಆರ್ ನಾಯಕ್ ದಂಪತಿಯ ಪುತ್ರಿ.
