ಮಂಗಳೂರು: ವಿದ್ಯಾರ್ಥಿಯೊಬ್ಬರ ಮೇಲೆ ಕಾರು ಹರಿದು ಸ್ಥಳದಲ್ಲೇ ಮೃತ ಪಟ್ಟ ಘಟನೆ ಮಂಗಳೂರು ಕುಂಟಿಕಾನ ಎಜೆ ಆಸ್ಪತ್ರೆ ಬಳಿ ನಡೆದಿದೆ. ಮೃತ ವಿದ್ಯಾರ್ಥಿಯನ್ನು ಕಾವೂರು ನಿವಾಸಿ ಕೌಶಿಕ್‌ (21) ಎಂದು ಗುರುತಿಸಲಾಗಿದೆ.
ಎಜೆ ಆಸ್ಪತ್ರೆಯಿಂದ ಆಕ್ಟೀವಾದಲ್ಲಿ ಹೊರಬರುತ್ತಿದ್ದಂತೆಯೇ ರಿಕ್ಷಾವೊಂದಕ್ಕೆ ತಗುಲಿ ಆಕ್ಟೀವಾ ಸವಾರ ಕೌಶಿಕ್‌ ಕೆಳಕ್ಕೆ ಬಿದ್ದಿದ್ದಾರೆ. ಈ ವೇಳೆ ಬಂದ ಸ್ವಿಪ್ಟ್ ಕಾರು ಕೌಶಿಕ್‌ ಮೇಲೆ ಹರಿದು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಮಂಗಳೂರು ಸಂಚಾರ ಪೂರ್ವ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
