ಮಂಗಳೂರು: ಅಮೃತ ನಗರದ ಪೌರ ಸಮಿತಿ ಆಶ್ರಯದಲ್ಲಿ ವಾಮಂಜೂರಿನ ಅಮೃತ ನಗರ ಪ್ರದೇಶದಲ್ಲಿ ಅಮೃತ ನಗರೋತ್ಸವ ಕಾರ್ಯಕ್ರಮ ನ.5ರಂದು ನಡೆಯಿತು.
ಮಂಗಳೂರು ಉತ್ತರದ ಶಾಸಕ ಡಾ. ವೈ ಭಾರತ್ ಶೆಟ್ಟಿ ಕಾರ್ಯಕ್ರಮ ಉದ್ಘಾಟಿಸಿದ್ದು, ಅಧ್ಯಕ್ಷತೆಯನ್ನು ಪೌರ ಸಮಿತಿಯ ಅಧ್ಯಕ್ಷ ಲಕ್ಷ್ಮಣ್ ಶೆಟ್ಟಿಗಾರ್ ವಹಿಸಿದ್ದರು. ಸಭೆಯಲ್ಲಿ ದೇರೆ ಬೈಲ್ ವಾರ್ಡಿನ ಕಾರ್ಪೊರೇಟರ್ ಆದ ಶಶಿಧರ ಹೆಗ್ಡೆ ಹಾಗೂ ತಿರುವೈಲು ವಾರ್ಡಿನ ಕಾರ್ಪೊರೇಟರ್ ಹೇಮಲತಾ ಆರ್ ಸಾಲಿಯಾನ್ ಉಪಸ್ಥಿತರಿದ್ದರು.
ಉತ್ಸವದ ಅಂಗವಾಗಿ ಚಿತ್ರಕಲಾ ಸ್ಪರ್ಧೆ, ಪ್ರಬಂಧ ಸ್ಪರ್ಧೆ ಹಾಗೂ ವಿವಿಧ ಆಟೋಟ ಸ್ಪರ್ಧೆಗಳನ್ನು ನಡೆಸಲಾಯಿತು. ಅಮೃತ ನಗರದ ಸ್ಥಳೀಯ ಪ್ರತಿಭೆಗಳಿಂದ ಹಾಗೂ ಜೀ ಕನ್ನಡ ಖ್ಯಾತಿಯ ಸಿಟಿ ಗೈಸ್‌ ತಂಡದವರಿಂದ ವರ್ಣ ರಂಜಿತ ಸಾಂಸ್ಕೃತಿಕ ಕಾರ್ಯಕ್ರಮ ನಡೆಯಿತು.
