ನ್ಯೂಯಾರ್ಕ್: ಅಮೇರಿಕಾದ ನ್ಯೂಯಾರ್ಕ್ ನಲ್ಲಿ 4 ಸೀಟುಗಳ ಸಿಂಗಲ್‌ ಇಂಜಿನ್‌ ವಿಮಾನ ದುರಂತಕ್ಕೀಡಾಗಿದ್ದು, ವಿಮಾನದಲ್ಲಿದ್ದ ಮೂವರ ಪೈಕಿ ಓರ್ವ ಮಹಿಳೆ ಮೃತ ಪಟ್ಟು ಉಳಿದಿಬ್ಬರು ಗಂಭೀರವಾಗಿ ಗಾಯಗೊಂಡಿದ್ದಾರೆ.
ವಿಮಾನ ಬೆಂಕಿಯ ಉಂಡೆಯಂತೆ ನೆಲಕ್ಕೆ ಉರುಳಿ ಬಿದ್ದದೆ. ನ್ಯೂಯಾರ್ಕ್ ನ ಲಾಂಗ್‌ ಐ ಲ್ಯಾಂಡ್‌ ಹೋಮ್‌ ಬಳಿ ಈ ದುರಂತ ಸಂಭವಿಸಿದೆ. ಈ ಘಟನೆಯಲ್ಲಿ 63 ವರ್ಷ ಪ್ರಾಯದ ರೋಮಾ ಗುಪ್ತಾ ಎಂಬ ಭಾರತೀಯ ಮಹಿಳೆ ಮೃತಪಟ್ಟಿದ್ದು, ಅವರ ಪುತ್ರಿ ರೀವಾ ಗುಪ್ತಾ ಮತ್ತು ಪೈಲಟ್‌ ಗಂಭೀರವಾಗಿ ಗಾಯಗೊಂಡಿದ್ಧಾರೆ. ಗಾಯಾಳುಗಳನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.
