ಮಂಗಳೂರು(ಹೊಸದಿಲ್ಲಿ): ಹೊಸ ವರ್ಷದ ಮೊದಲ ದಿನ ಭಾರತವು ಜಗತ್ತಿನ ಅತ್ಯಂತ ಹಳೆಯ ನಿಗೂಢತೆಗಳಲ್ಲೊಂದಾದ ಕಪ್ಪು ರಂಧ್ರಗಳ ಬಗ್ಗೆ ಅನ್ವೇಷಿಸುವ ಉದ್ದಿಷ್ಟ ಕಾರ್ಯವನ್ನು ಆರಂಭಿಸಿದೆ. ತನ್ನ ಎಕ್ಸ್‌ಪೋಸ್ಯಾಟ್ ಅಥವಾ ಎಕ್ಸ್‌-ರೇ ಪೊಲಾರಿಮೀಟರ್‌ ಉಪಗ್ರಹವನ್ನು ಶ್ರೀಹರಿಕೋಟಾದಿಂದ ಜ.1ರಂದು ಇಸ್ರೋ ಉಡಾಯಿಸುವ ಮೂಲಕ ಹೊಸದೊಂದು ಪ್ರಯತ್ನಕ್ಕೆ ನಾಂದಿ ಹಾಡಿದೆ.
ಇಂದು ಬೆಳಿಗ್ಗೆ 9.32ಕ್ಕೆ ಸರಿಯಾಗಿ ಈ ಪೊಲಾರ್ ಸ್ಯಾಟಿಲೈಟ್‌ ಲಾಂಚ್‌ ವೆಹಿಕಲ್‌ ಉಡಾವಣೆ ಯಶಸ್ವಿಯಾಗಿದೆ. “ಪಿಎಸ್‌ಎಲ್‌ವಿ-ಸಿ58 ಯನ್ನು ನಿಗದಿತ ಕಕ್ಷೆಯಾದ 6 ಡಿಗ್ರೀ ಇಂಕ್ಲಿನೇಷನ್‌ನೊಂದಿಗಿನ 650 ಕಿಮೀ ಕಕ್ಷೆಯಲ್ಲಿ ಇರಿಸಲಾಗಿದೆ,” ಎಂದು ಇಸ್ರೋ ತನ್ನ ಪೋಸ್ಟ್‌ ನಲ್ಲಿ ತಿಳಿಸಿದೆ. ಇಸ್ರೋ ಅಧ್ಯಕ್ಷ ಎಸ್‌ ಸೋಮನಾಥ್‌ ಈ ಯಶಸ್ವಿ ಉಡಾವಣೆ ಕುರಿತು ಘೋಷಿಸಿದ್ದಾರೆ. ಇದು ಪೊಲಾರ್ ಉಪಗ್ರಹ ಉಡಾವಣೆ ವಾಹನದ 60ನೇ ಯಾನವಾಗಿದೆ. ಈ 260 ಟನ್‌ ರಾಕೆಟ್‌ ಅತ್ಯಾಧುನಿಕ ಖಗೋಳ ಅಬ್ಸರ್ವೇಟರಿಯನ್ನು ಹೊಂದಿದ್ದು ಅದು ಕಪ್ಪು ರಂಧ್ರಗಳು ಮತ್ತು ನ್ಯೂಟ್ರಾನ್‌ ನಕ್ಷತ್ರಗಳ ಅಧ್ಯಯನ ನಡೆಸಲಿದೆ. ಅಮೆರಿಕಾದ ನಂತರ ಕಪ್ಪು ರಂಧ್ರಗಳ ಅಧ್ಯಯನಕ್ಕೆ ಅಬ್ಸರ್ವೇಟರಿ ಹೊಂದಿದ ಜಗತ್ತಿನ ಎರಡನೇ ರಾಷ್ಟ್ರ ಭಾರತವಾಗಲಿದೆ.
ವಿಡಿಯೋಗಾಗಿ ಇಲ್ಲಿ ಕ್ಲಿಕ್‌ ಮಾಡಿ
#WATCH | The launch of PSLV-C58/EXPOSAT Mission is scheduled at 09:10 hrs IST on Monday, 1st January 2024. The launch is planned from Satish Dhawan Space Centre, Sriharikota
(Source -ISRO) pic.twitter.com/tWx3tCztRg
— ANI (@ANI) December 30, 2023
